Темпераментниот Аргентинец направи скандал по најголемата победа во кариерата.
Аргентина е светски првак - на СП во Катар ја совлада Франција по подобро изведување пенали, а овој триумф многу им значеше на играчите. Неколку од нив ја преминаа границата на добриот вкус и го навлекоа гневот на фудбалските фанатици ширум светот. Се чини дека во овој потфат се истакна Родриго де Пол, играчот од средниот ред на Аргентина и Атлетико Мадрид.
Беше импресивен за време на натпреварот и даде многу за репрезентацијата, но неговото однесување по финалето може да биде предмет на дебата. Тој се однесуваше многу недолично додека шеташе низ теренот со пура во устата, а потоа на социјалните мрежи ги пцуеше луѓето кои го критикуваат. „Телохранителот на Меси“, како што го нарекуваат затоа што го следи секој чекор на дефанзивците кои тргнуваат по капитенот, со само две изговорени реченици направи целосен хаос.
„Испишавме историја. Сите што се сомневавте во мене, да ми пушите к*р“, изјави Родриго де Пол и со тоа стана вториот аргентински фудбалер кој ја згрози планетата по финалето. Пред него тоа во неколку наврати го направи голманот Емилијано Мартинес. Голманот на Астон Вила предизвика хаос на церемонијата на која беше прогласен за најдобар голман на турнирот.
Неговиот простачки потег наиде на осуда од обожавателите ширум светот, а всушност тоа не е единствениот скандал што го следи во текот на неговата кариера. Тој во соблекувалната одржа една минута молчење за Килјан Мбапе, кој за време на финалниот меч во Катар успеа да го совлада трипати во 120 минути, а потоа и во првиот пенал.
