Главниот град на Јапонија воодушевува со футуристичката архитектура, неверојатната кулинарска сцена и елитните продавници.
Овој град со популација од 35 милиони жители е основан во 12 век под името Едо. Зборот Токио значи „источен град“ и е еден од градовите со најмногу жители во светот.
Токио е централно место за јапонската политика, економија, култура и образование, а воедно е и бизнис центар за источниот дел од Азија.
Овој град изобилува со знаменитости, кои, ако веќе одите во Јапонија, едноставно морате да ги посетите.
Во него се наоѓа кварт каде е сместен најголемиот парк во светот. Овде можете да посетите и неколку музеи како Националниот музеј Токио, Националниот музеј на западна уметност и музејот Метропилитен во Токио, како и зоолошка градина.
Гинза е дел од градот со најмногу продавници, ресторани и ноќни клубови. Гинза е позната и по најскапото земјиште во светот, каде квадратен метар од градежно земјиште ја надминува цената од 100.000 американски долари.
Во квартот Мароуноучи се наоѓа спектакуларна Царска палата. Местото е преполно со згради, а на пат до Царската палата можете да уживате и во бројни штандови идеални за туристи кои сакаат да видат дел од минатото на Јапонија.
Асакуса е веројатно единствениот дел од Токио во кој навистина можете да ја почувствувате вистинската атмосфера на традиционалната Јапонија.
Овде се наоѓа еден од најубавите храмови во градот, а го опкружуваат мноштво тесни улици и мали плоштади и ресторани.
На улиците кои водат кон палатата можете да купите традиционална јапонска облека и разни слатки.
Во видео материјалот погледнете што сѐ нуди овој град.