Минаа две години откако за првпат беше објавено дека Том Круз ќе сними филм на Меѓународната вселенска станица, а сега има и големи шанси за тоа - Том да биде првиот цивил кој прошетал во вселената.
Уште во мај, 2020 година НАСА потврди дека е во преговори со Круз и SpaceX за еден вид филмски проект што не е поврзан со филмовите „Mission: Impossible“.
„Потребни ни се популарни медиуми за да инспирираме нова генерација научници и инженери амбициозните планови на НАСА да ги претворат во реалност“, напиша тогаш Џим Брајденстајн, администраторот на НАСА.
Претседателката на Universal Filmed Entertainment Group, Дона Ленгли, за BBC изјави дека испраќањето на Круз во вселената е една од мисиите на студиото и сподели повеќе детали за проектот. Соопшти дека станува збор за соработка меѓу Круз и режисерот Даг Лиман.
„Том Круз нѐ води во вселената. Тој го води светот во вселената. Тоа е планот. Имаме одличен проект во развој – лет со ракета до вселенската станица и снимање“, вели Лангли за BBC.
Објасни дека поголем дел од снимањето ќе се одвива на Земјата, а дејството ќе кулминира со заминување на ликот во вселената.
Останува да видиме дали Том Круз навистина ќе биде првиот цивил што ќе прошета во вселената, надвор од Меѓународната вселенска станица.