Израелскиот дневен весник יִשְׂרָאֵל הַיּוֹם (Израел Хајом) објави листа на 10 најплатени играчи во претстојната сезона во Евролигата.
Во медиумите и по социјалните мрежите кружат различни информации за платите на поединци во различни клубови.
Никола Миротиќ повеќе не е кошаркарот кој има најголеми примања по сезона во елитното европско клупско натпреварување. Неговото место го зазеде Вили Ернангомес, кој за сезоната во Барселона ќе заработи 4.500.000 долари.
На второ место, со 500.000 долари помалку е Шејн Ларкин од турски Анадолу Ефес, а зад него е Никола Миротиќ, кој во Армани ќе има плата од 3.200.000 долари.
- Вили Ернангомес (Барселона) - 4.500.000 долари
- Шејн Ларкин (Анадолу Ефес) - 4.000.000 долари
- Никола Миротиќ (Армани) - 3.200.000 долари
- Валтер Таварес (Реал Мадрид) - 3.000.000 долари
- Костас Слукас (Панатинаикос) - 3.000.000 долари
- Хуанчо Ернангомес (Панатинаикос) - 2.500.000 долари
- Скоти Вилбекин (Фенербахче) - 2.400.000 долари
- Дариус Томпсон (Анадолу Ефес) - 2.300.000 долари
- Џабари Паркер (Барселона) - 2.000.000 долари
- Вил Клајбурн (Анадолу Ефес) - 2.000.000 долари
Интересно е што на оваа листа ги нема ѕвездите на Монако, Кемба Вокер и Мајк Џејмс, а сѐ уште, очигледно, не се знае колкава плата во Баерн Минхен ќе има Серж Ибака.
