Gazoo Racing најави нова програма за производство на резервни делови за старата Corolla, моделот AE86.
Станува збор за Corolla од 80-тите години на минатиот век, која статусот на легенда го стекна по главната улога во јапонската манга, односно стрипот наречен „Initial D“ за улични трки.
AE86 Corolla го носеше прекарот Хачи року (八十六 - 86 на јапонски), и стана многу популарна, па не е изненадување што Gazoo Racing одлучи да го продолжи животниот век на ова купе со погон на задните тркала и да понуди нови резервни делови.
По производството на нови делови за старите генерации на Supre A70 и A80, AE86 доби нови оригинални делови кои веќе се достапни за продажба. Во моментов на клиентите им се достапни нови задни клешти на сопирачките и зглобови на воланот.
Во декември во програмата ќе бидат вклучени и задните погонски оски, а потоа и другите делови.