Татко на жртва од бомбашки напад на терористите на IRA и оддаде почит на починатата пејачка на бендот „Кренберис“ Долорес О’Риордан, која оваа трагедија ја инспирирала за да ја напише песната „Zombie“.
Колин Пер, чиј син починал во бомбашки напад во Ворингтон 1993 година се збогувал од пејачката која токму овој трагичен настан ја инспирирал да го напише најголемиот хит на групата „Кренберис“, песната „Zombie“
„Дури вчера дознав дека нејзината група, поточно таа ја компонирала оваа песна во знак на сеќавање на настаните во Ворингтон, каде мојот син Том и помладиот Џонатан Бол загинаа“, изјави тој во едно утринско интервју.
„Не бев свесен за тоа. Мојата сопруга вчера се врати од работа, ми ја пушти песната на лаптопот, ја видов Долорес како пее и ги слушав зборовите. Зборовите на песната се величенствени и многу точни. Бомбашкиот напад во Ворингтон, како и многу настани кои потоа се случија во Ирска и Велика Британија, влијаеја на семејствата на многу реален начин и многу луѓе станаа отпорни на болка и страдање“.
Дванаесетгодишниот син на Колин починал заедно со помалиот тригодишен Џонатан Бол, кога терористите, припадници на IRA детонирале бомба во 1993 година сред град.
Долорес песната ја напиша една година подоцна, а зборовите на песната се однесуваат токму на нив двајца.
