Осаменоста е вообичаено чувство, но постојат чекори кои може да ги преземете за да се чувствувате поисполнето. Слушањето музика, повикувањето пријател, прошетка и други активности можат да го намалат ова непријатно чувство.
Долготрајната осаменост може емоционално да ве исцрпи, да ви се чини дека животот изгледа потешко отколку што е навистина. Имајте на ум дека осаменоста не е исто што и социјалната изолација. Може да бидете сами, а да не се чувствувате осамено.
Исто така, може да се чувствувате осамено дури и кога сте во близина на други луѓе.
Осаменоста се случува кога се чувствувате вознемирено кога сте сами, додека социјалната изолација е недостиг на редовни интеракции со други луѓе, пишува Healthline.
Промената на опкружувањето може да ви го одвлече вниманието и да ви помогне. Вака гледате дека не сте сами во светот. Времето минато во природа може да помогне во ублажување на емоционалниот стрес.
Дури и ако не ги гледате редовно вашите пријатели и роднини, и понатаму може да ја задржите блискоста со нив. Студија од 2021 година покажа дека дури и десетминутен телефонски повик може да го ублажи чувството на осаменост.
Иако изгледаат како привлечен начин за одржување на врските со луѓето, понекогаш можат да го зголемат чувството на осаменост. Среќните, безгрижни објави на саканата личност може да создадат впечаток дека не ѝ недостигате толку колку што таа ви фали вам.
Секако, социјалните мрежи никогаш не ја прикажуваат целата слика или реалната ситуација така што не може да знаете како се чувствува вашиот партнер освен ако не го прашате.