Откако викендов Интер победи, а Наполи и Милан киксираа, борбата за Скудетото повторно стана екстремно тесна со трите клуба речиси изедначени на врвот.
Интер во саботата триумфираше со 2:0 над Верона со што дојде до 66 бодови, па го чекаше исходот од натпреварите на ривалите Наполи и Милан кои играа во неделата. Никој од нив не успеа да победи. Наполи беше изненаден на домашен терен од Фиорентина губејќи со 2:3, додека Милан на гостувањето кај незгодниот Торино заринка играјќи без голови.
Табелата во Серија А во моментов изгледа вака:
- Милан 68
- Интер 66
- Наполи 66
- Јувентус 62
- Рома 57
- Лацио 55
- Фиорентина 53
- Аталанта 51
Клучот за титулата можеби се крие во фактот што Интер има натпревар помлаку, односно одложениот со Болоња уште од јануари, и кој е закажан за крајот од месецов.
Најтежок распоред има Милан кого го чекаат три тешки натпревари со Лацио, Фиорентина и Аталанта, а тука е и незгодниот Сасуоло.
Џеноа (дома)
Лацио (гости)
Фиорентина (дома)
Верона (гости)
Аталанта (дома)
Сасуоло (гости)
Интер има далеку полесен распоред со еден тежок натпревар кога Рома ќе гостува во Милано.
Специја (гости)
Рома (дома)
Болоња (гости) - заостанат натпревар
Удинезе (гости)
Емполи (дома)
Каљари (гости)
Сампдорија (дома)
Наполи има потежок распоред од Интер, но полесен од Милан. Го чека пресметка со Рома уште наредното коло во кое евентуален неуспех може веднаш да го отпише од борбата за титулата. Поотоа ќе му останат уште незгодните Сасуоло и Торино.
Рома (дома)
Емполи (гости)
Сасуоло (дома)
Торино (гости)
Џеноа (дома)
Специја (гости)
Во меѓувреме, Интер и Милан ги чека и реванш полуфиналната пресметка од Копа Италија закажана за 19 април, a победникот ќе има и натпревар плус во календарот поради финалето кое се игра на 11 мај, а противник ќе биде Јувентус или Фиорентина.
