Некогаш најдобриот голфер во светот, Тајгер Вудс (41), бил уапсен на Флорида бидејќи возел под дејство на алкохол.
Вудс четири часа мина зад решетки во затворот во Палм Бич, а потоа бил пуштен на сопствена одговорност, бидејќи во пишана форма ветил дека ќе соработува во правните постапки.
Во полицискиот извештај се наведува дека Тајгер Вудс имал недозволено ниво на алкохол во крвта.
Освојувачот на 14 Major турнири, не е активен веќе четири месеци, а ќе го пропушти остатокот од сезоната поради операција на грбот.
Вудс е еден од најдобрите играчи во историјата на голфот, најдолго бил прв на светската ранг-листа, но последната победа на турнирите ја има забележано во август, 2013 година.
Неговата кариера ја обележа големиот скандал во 2009 година, кога американските медиуми објавија дека Вудс имал повеќе вонбрачни врски. Следуваше пад во неговата игра, сопругата го напушти, а го напуштија и некои од спонзорите.