Јувентус зимава ќе го реорганизира нападот за да му ја даде на Андреа Пирло потребната ширина на кадарот.
Кристијано Роналдо и Алваро Мората го сочинуваат недопирливиот тандем, што значи дека снемува место за Пауло Дибала (27), МВП на минатата сезона во Серија А.
Аргентинецот е во тивка војна со администрацијата која не сака да му го даде договорот што тој смета дека го заслужува.
Според италијанските новинари, Дибала бара помеѓу 15-20 милиони евра по сезона, а Јувентус нема намера да ја зголеми таа бројка над десет милиони евра.
Ова може да значи крај на љубовта помеѓу „Старата дама“ и Дибала кој во клубот пристигнаа во 2016 година од Палермо.
Sky додава дека Дибала може да избере - да ја прифати понудата или да го напушти клубот следното лето.
До тогаш, Јувентус мора да го прошири нападот, односно да најде центарфор кој ќе биде дополнување за Роналдо и Мората. Прв фаворит е Фернандо Љоренте, 35-годишниот Шпанец кој играше за Јувентус од 2013 до 2015 година. Денес Баскиецот е далеку од сите планови на Џенаро Гатузо во Наполи, па Јувентус сака да ја заврши оваа работа што е можно поевтино и да го дополни ростерот со нов силен напаѓач.
Нова опција е Холанѓанецот Мемфис Депај (26), чиј договор истекува во јуни 2021 година и кого Роналд Куман долго време го посакуваше во Барселона. Јувентус би можело да се вклучи во трката и да го украде напаѓачот на Лион уште во јануари за симболично обештетување, пишува Tuttosport.