Меѓународната автомобилска федерација денеска ги потврди новите промени во натпреварувањето на Светското првенство Формула 1.
Со промените од следната година ќе бидат овозможени конструкциски промени на болидите, а со тоа на возачите ќе им биде полесно претекнувњето.
Имено, кај сегашните автомобили претекнувањето е отежнато бидејќи болидите лесно губат на брзина поради турбуленциите кои ги создаваат болидите кои се обидуваат да ги претекнат, а друг отежнувачки фактор е брзото прегревање на гумите.
Исто така, потврдени се и промени во правилата за натпреварувањето Форумула Е, па исфрлено е правилото за задолжителна промена на возилото за време на трка, бидејќи е постигнат технолошки напредок во батериите кои електричните формули ги користат.
Во календарот од следната година за прв пат ќе биде вклучена и трка во Саудиска Арабија, но под услов тамошната стаза да ги задоволува соодветните услови.
Во календарот би требало да се најдат и трки во Цирих и Монако, а сезоната ќе заврши на 13 и 14 јули во Њујорк.
