„Venom: Let There Be Carnage“ заработи од 90.1 милион долари од премиерното прикажување, поставувајќи нов пандемиски рекорд, пишува Variety.
Ова е импресивен резултат кој уште еднаш ја покажува моќта на Marvel на бокс-офист. Филмот се прикажува единесвено во кината.
На меѓународно ниво, филмската премера во Русија донесе заработка од 13.8 милиони долари, а се уште нема датум за премиерно прикажување во Кина, пазар кој несомнено ќе биде важен за успехот на филмот со буџет од 110 милиони долари.
„Venom: Let There Be Carnage“ не е единствениот филм кон внесе свежина на бокс-офисот. „The Addams Family 2“ оствари заработка подобра од очекуваната, од 18 милиони долари. Филмот е продолжение на „Addams Family“ од 2019 година, кој дебитираше со заработка од 30 милиони долари.
На третото место се најде „Shang-Chi and the Legend of the Ten Rings“ со заработка од 6 милиони долари, додека премиерата на „The Many Saints of Newark“ заработи 5 милиони долари и се најде на четвртото место.
