Направете превкусен ручек и тоа за брзо време. Оваа паста на бразилски начин ќе ве воодушеви, па ќе почнете често да ја подготвувате.
Пастата е италијанско јадење, но одамна е веќе глобално. Од Бразил ни доаѓа едноставен рецепт без чудни состојки и кој брзо се прави. Згора на тоа е и неверојатно вкусен.
Потребни состојки:
- 250 гр шпагети
- 350 гр доматен сос
- 1 кромид
- 2 чешниња лук
- ½ лажичка бибер
- 1 лажичка оригано
- 1 лажичка сол
- вода
- 200 гр моцарела
- 50 гр пармезан
Подготовка:
Во огноотпорен сад на самото дно распоредете ги шпагетите (може да користите и друг вид на паста), па прелијте ги со доматниот сос. Додадете ситно сечкани кромид и лук, побиберете, посолете и ставете оригано. Одозгора прелијте со вода, количински колку што е потребно за да покрие сѐ, во зависност од големината на садот. Со лажица промешајте помеѓу шпаѓетите за да се распоредат останатите состојки. Ставете во загреана рерна на 180°C да се пече 20 минути. Изрендајте моцарела (може да користите и друг кашкавал) и по 20-те минути печење посипете ја над јадењето, а над неа ставете и рендан пармезан. Зачинете со оригано и вратете да се пече уште 10 минути.