Откако милитантите пред неколку години ја разнесоа капијата Машки, археолозите одлучија да ја реконструираат и да ѝ ја вратат старата слава. Тоа ги донесе и до едно ноечекувано откритие.
Пред два милениума на територијата на денешен Ирак настанале некои од најстарите цивилизации во светот, а преку истражување на остатоците кои зад себе ги оставиле древните Вавилонци, Сумери и Асирци научниците ги откриваат тајните за тоа како живееле и твореле овие древни народи. Сепак, бидејќи претходните години на овие простори имаше доста вооружени судири, многу од археолошките локалитети се уништени.
Кога во 2016 година група милитанти источно од градот Мосул ја уништија капијата Машки во древниот град Нивина, археологот Мајкл Данти од Универзитетот во Пенсилванија одлучил да направи сѐ што е во негова моќ за да го заштити овој вреден археолошки локалитет во Ирак. Но, она што никогаш не се надевал е дека за време на реконструкцијата ќе дојде до откритие кое ќе го опише како „толку ретко што беше незамисливо“.
Под рушевините открил седум плочи од мермер, украсени со асирски војници кои испалуваат стрели, но и прикажани палми, шипинки и смокви. По деталните анализи било востановено дека некогаш биле дел под Сенахерибиовата палата. А, кој бил тој? Некаде кон крајот на VIII и почетокот на VII век п.н.е. на асирскиот престол седел кралот Сенахебир кој во текот на своето владеење се истакнал со градежни подвизи. Историските записи наведуваат дека некаде около 700 година п.н.е. Нивина ја направил своја престолнина и ја изградил капијата Машки, односно во превод Капија на оние кои носад вода.
„Се запрепастивме и останавме без зборови. Сѐ изгледаше како на сон бидејќи никој не очекуваше дека на градската капија ќе пронајдеме релјефи од кралот Сенахебир. Иако на локалитетот порано биле спроведени археолошки истражувања во 60-тите и 70-тите години на минатиот век, конкретно оваа просторија и нејзините уметнички работи никогаш не биле ископани“, вели Данти.
Како што сам тврди, ова откритие нуди нови и возбудливи увиди во минатото, а планот е тој и неговите колеги да се вратат во Мосул за да продолжат со истражување на периодот од Асиркото Царство. Додава и дека за разлика од претходните археолошки богатства, овие плочи ќе останат во сопственост на нивната татковина - Ирак.