Јужнокорејскиот претседател Јун Сук-Јол денес прогласи национална жалост откако во вчерашното стампедо за Ноќта на вештерките загинаа 151 лице во главниот град Сеул.
Јун изрази сочувство за жртвите и на повредените им посака брзо закрепнување.
„Ова е навистина трагично, рече тој. „Трагедија и катастрофа што не требаше да се случат, се случија синоќа во срцето на Сеул“.
Толпата која прославуваше во популарната населба Итаевон синоќа се втурнала во тесна уличка, соопштија службите за вонредни состојби, додавајќи дека бројот на жртвите може да се зголеми.
Други 76 лица се повредени во тепачка, изјави началникот на противпожарната станица Јонгсан Чои Сунг Беом на брифинг на местото на настанот.
Британските медиуми пренесуваат дека 19 од повредените се во тешка состојба и добија помош, соопштија официјални лица.
Поголемиот број од од жртвите се на возраст од дваесет години.
Снимките на социјалните мрежи покажуваат стотици луѓе натиснати во тесна, коса уличка, згмечени и неподвижни додека работниците за итна помош и полицијата се обидуваат да ги извлечат.
Други снимки покажуваат хаотични сцени во кои пожарникарите и граѓаните им помагаат на десетици луѓе кои изгледаат како да се без свест.