Шведскиот бренд е особено фокусиран на електрификацијата.
Volvo сака да стане производител кој ќе нуди само електрични автомобили од 2030 година.
ЕВ веќе почнуваат да доминираат во понудата. Според официјалното соопштение на компанијата, брендот засекогаш ќе се збогува со дизел моторите во следните неколку месеци.
Во избраните варијанти на моделите на Volvo, вклучувајќи ги и V60, S90 и XC90, сè уште можеме да најдеме „лесни“ хибриди базирани на дизел мотори. Сепак, на почетокот на 2024 година, последните автомобили со дизел мотор ќе ја напуштат фабриката на Volvo, а брендот се пофали дека е еден од првите производители што донел таква одлука.
„Електричните мотори се нашата иднина. Тие се супериорни во однос на моторите со внатрешно согорување: генерираат помалку бучава и вибрации, имаат помали трошоци за одржување и не генерираат издувни гасови. Целосно сме фокусирани на создавање широк спектар на премиум автомобили кои ќе ги исполнат очекувањата на нашите клиенти и ќе биде клучен елемент на нашиот одговор на климатските промени“, вели шведскиот производител.