Вселенското летало Crew Dragon на компанијата на Илон Маск, SpaceX, денеска полета кон Меѓународната вселенска станица од вселенскиот центар „Кенеди“ во Флорида, соопшти НАСА.
Членови на мисијата „Crew-7“ се астронаутот на НАСА, Џезмин Могбели, астронаутот на Европската вселенска агенција, Андреас Могенсен, космонаутот на Роскосмос, Константин Борисов, и астронаутот на Јапонската вселенска агенција, Сатоши Фурукава, пренесува ТАСС.
Леталото треба да слета на МВС во 14:50 часот по средноевропско време.
Екипажот на „Crew-7“ ќе учествува во повеќе од 200 научни експерименти кои, меѓу другото, вклучуваат собирање на примероци од микроби од надворешноста на МВС и проучување на спиењето на астронаутите.
