Идеален рецепт за семеен ручек за време на викендот или за некоја свечена пригода.
Вкусот е навистина одличен, нема да зажалите доколку решите да го подготвите ова јадење. Има толку вкусна арома што малку е веројатно дека некогаш сте вкусиле нешто слично.
Потребни состојки*:
- 600 гр свинско каре
- ½ китка магдонос
- ½ китка листови од целер
- рузмарин
- 600 гр варен млад компир
- 20 гр путер
- табаско сос
- копар
- 100 мл растителна павлака
- сол
- бибер
*наведените количини се за 4 порции.
Подготовка:
Потребно време за подготовка: 60 минути
Месото мора да биде едно парче, исчистено од вишок маснотии и жили. Зачинете го со сол и бибер и валкајте го во ситно исечкани листови магдонос и целер. Сè завиткајте во алуминиумска фолија и печете 45 минути во рерна на 220°C.
Извадете го месото од рерна, извадете му ја фолијата, вратете го в рерна и печете уште 15 минути додека не добие убава боја.
За тоа време сварете ги компирите, исцедете ги од водата и пропржете ги во путер. Зачинете ги и додадете табаско сос и павлака и пржете ги уште 2-3 минути. Сервирајте го лутиот компир топол со тенко исечени парчиња каре.
Забелешка: Рузмаринот е еден од основните зачини на медитеранската кујна. Се користи за зачинување на месо, особено пилешко, овчо, свинско и дивеч. Се препорачува за месо печено во рерна, под сач или за подготовка на месо на скара. Се става на варени или печени компири. Ако се користи умерено, може да се комбинира со други зачини.
