Ако сакате едноставен оброк, наш денешен предлог е превкусна салата со октопод.
Во лето, салатите често се на менито, бидејќи преферираме лесни оброци на високи температури. Морската храна е идеална, особено ако живеете покрај море, но дури и кога живеете во град можете да најдете квалитетна морска храна која ќе го подобри секое јадење. Ви предлагаме да го пробате рецептот за медитеранска салата со октопод и спанаќ која ќе ви се допадне уште на првиот залак.
Потребни состојки:
- 450 гр октопод (исчистен, по можност пипала)
- 2 ловорови листа
- 3 чешниња лук
- 1 китка магдонос
- 1 праз
- 200 гр спанаќ
- 1 лимон
- 1 лажица маслиново масло (или повеќе, по вкус)
- сол
- бибер
Подготовка:
Истурете вода во тенџерето и кога ќе зоврие додадете го октоподот, магдоносот, листовите ловор и цели чешниња лук. Посолете и побиберете. Покријте и варете околу еден час (октоподот треба да омекне, но не смеете да го преварите). Исплакнете го со ладна вода, па исечете го на коцки. Ставете го во сад, па додадете сечкани праз и спанаќот, па повторно посолете и побиберете. Промешајте, па истурете маслиново масло и сок од лимон. Покријте и оставете го да се излади во фрижидер околу еден час.
