Ова е највкусниот рецепт за похувана риба што некогаш ќе го пробате бидејќи слатко-киселиот сос со зеленчук и овошје му дава неверојатен шмек.
Никогаш нема доволно идеи за вкусен посен ручек, а сигурни сме дека ви е досадно да ги подготвувате истите јадења. Речиси за секоја мрсна храна денес можете да најдете посна замена, па дури и за време на велигденскиот пост можете да подготвите некои од најубавите јадења. Рибата најчесто се подготвува во рерна или се нарачува, а ние ви го пренесуваме најдобриот рецепт. Направете пржени филети од риба во слатко-кисел сос. Никогаш не сте пробале нешто подобро, а доволно е да послужите ориз како прилог.
Потребни состојки:
- 250 гр филе од бела риба
- ¼ лажичка сол
- ¼ лажичка бибер
- ¼ лажичка блага пипер
- 2 чешниња лук
- 1 главица виолетов кромид
- 2 лажици пченкарен скроб
- сусам
за сосот:
- ⅓ чаша кечап
- 3 лажици оцет
- 1 лажица соја сос
- 2 лажици шеќер
- 1 зелена пиперка
- 1 црвена пиперка
- 2 чешниња лук
- 1 конзерва ананас
- 1 лажица брашно
Подготовка:
Исечете ја рибата на коцки, па зачинете. Додадете мелен лук, скроб и маслиново масло. Сè убаво измешајте и пропржете ја рибата во тавата во која сте загреале масло.
Исцедете го сокот од ананас и измешајте го со кечап, оцет, соја сос, шеќер, сол и бибер. Сè убаво измешајте.
Во друга тава на малку масло пропржете ситно сечкан лук, а потоа додадете крупно сечкан виолетов кромид, како и пиперките. Пржете додека зеленчукот не омекне, а потоа додадете го сечканиот ананас и покријте го со сосот. Кога сосот ќе почне да врие, додадете една лажичка брашно и измешајте. Сосот треба да се згусне. Додадете ја пржената риба, измешајте, украсете со сусам и послужете.
Препорачуваме да гарнирате со варен ориз.
