Играчот од средниот ред на Рома е уверен дека ќе се врати на време на зелениот терен за да се избори за место во репрезентацијата на претстојното Европско првенство.
Одличниот 21-годишен талент го повреди коленото играјќи токму за репрезентацијата на Италија и тоа во победата од 1:0 над Холандија во рамките на Лигата на наци во септември. Не му е прва ваква повреда, иако млад досега се соочуваше со тешки повреди, но упорноста цело време го враќа.
„Не се брзам никаде, работам добро. Секој ден одам во 'Тригориа'. По последната посета на Инсбрук, Австрија, закрепнувањето почна да се подобрува значително и кога десната и левата нога ќе бидат со иста црвстина и кога психички ќе бидам подготвен, тогаш смирено ќе се вратам на терен“, вели Николо Ѕаниоло во интервју за La Gazzetta dello Sport.
Тој во јануари ги скина лигаментите на десното колено и тоа на натпреварот со Јувентус, по што паузираше 6 месеци. По неколку месеци ја доби истата повреда, но овој пат на левото.
„Кариерата е пред мене, нема потреба да се форсирам и да паднам под желбата да одиграм 2-3 натпревари. Мојата каериера е во баланс, мојата иднина. Ќе се вратам околу април, најдоцна пред ЕУРО“.