Скоро да нема никакви промени во вкупниот волумен на извоз на вооружувањето кога ќе се споредат последните два петгодишни периоди, стои во најновиот извештај на SIPRI.
Во последните години посебно се вооружуваат арапските земји, продажбата на тешко вооружување како воени бродови, подморници, авиони и тенкови опадна минатата година за 16% во однос на 2019 година, велат од стокхолмскиот Институт за мировни истражувања SIPRI.
„Тешко е да се каже колкава е улогата на пандемијата во проблемите во производството и испораката. Бројките изгледаат така, како да е падот дел од последици на случајност“, вели Питер Веземан, експерт за вооружување.
Во периодот меѓу 2016 година и 2020 извозот на крупно оружје е помал за 0.5% отколку периодот во 2011-2015.
Споредувајќи ги тие два периода, најголем скок бележи Франција (44% повеќе), потоа следи Германија која продава бродови и подморници (21% повеќе) и САД (15% повеќе).
Рускиот извоз во споредба во овие период паднал за дури 22%, додека кинескиот за 7,8%.
Но, листата на најголеми извозници на оружје е непроменета, убедливо на првото место се САД со 37% од вкупниот светски извоз во последните 5 години.
Потоа следат Русија (20%), Франција (8,2), Германија (5,5), Кина (5,2), Велика Британија, Шпанија, Израел и Јужна Кореја – сите со околу 3%.
Интересен е фактот што државите од Блискиот Исток го зголемиле купувањето на оружје за 25%, покажува извештајот на SIPRI. Најголем светски увозник е Саудиска Арабија со
61% повеќе оружје во последните 5 години, во однос на претходниот период. Порастот на купувањето оружје во Катар е 361 процент, додека во Египет е 136 проценти.
Увозот на ОАЕ паднал за 37%, но во текот на минатата година оваа земја потпишала договори за крупни набавки кои ќе се реализираат во текот на следните години.
