Информацијата првично „протече“ на Twitter, а сега Respawn и официјално ја претстави најновата хероина во видеоиграта Battle Royale – Лоба Андраде (Loba Andrade).
Уште откако се појави трејлерот за Ревенант (Revenant), знаевме дека е само прашање на време кога девојката од тој клип ќе се појави со желба за одмазда.
Поминаа многу години откако животот ѝ се сврти наопаку и Лоба го немаше заборавено Ревенант. Конечно го најде и подготвена е за одмазда.
Фановите првпат ја забележаа Лоба во трејлерот за четвртата сезона на Apex Legends, кога Ревенант брутално ѝ ги уби родителите пред нејзини очи. Оттогаш девојчето израсна во легендарен крадец, „таа е навикната да го добива она што го сака, без разлика колку е добро заштитено“, велат од Respawn.
Уште не ни се познати сите нејзини магии, но знаеме дека ќе пристигне во почетокот на петтата сезона на Apex што почнува на 12 мај.
