Земјотрес со јачина од 7,1 степени според Рихтеровата скала денеска ја погоди граничната област меѓу Кина и Киргистан, предизвикувајќи неколку повредени лица и урнати куќи, јавија кинеските медиуми.
Според Кинеската управа за земјотреси, земјотресот се случил во 2:09 часот по локално време, а го погодил округот Вуши во северозападната кинеска област Синџиан, планинска погранична област.
Од 4 часот наутро во близина на епицентарот се регистрирани 14 последователни потреси со јачина од 3,0 до 5,3 степени, јавуваат кинеските медиуми.
Поради земјотресот, железничкиот сообраќај во регионот Синџиан е во прекин, а оштетени се 27 воза.
Кинеското Министерство за управување со вонредни состојби објави дека неколку оддели ги координираат напорите за помош, а на жителите им се обезбедени шатори, палта, јоргани, душеци, кревети на преклопување и печки за греење.
Во последните 24 часа Синџиан беше погоден од неколку земјотреси.
Земјотресот е почувствуван и во Казахстан и Узбекистан. Жителите на најголемиот град во Казахстан, Алмати, излегоа од своите домови, некои од нив облечени во пижами, и се собраа надвор и покрај студеното време.
Во моментов нема извештаи за штети.
