Моника Халт е Instagram модел со потекло од Малме, Шведска. Тврди дека тајната на среќниот љубовен живот е во тоа мажите да бидат доминантни, додека сè повеќе девојки би требало да ја преземат улогата на традиционална жена којашто седи дома и му угодува на сопругот.
37-годишната Моника е убедена дека тоа е идеалниот живот. Вели се гордее што на прво место ги ставила потребите на сопругот.
„Никогаш не сум била жена која тежнее кон голема кариера. Искрено, не сакам да работам, сакам да бидам домаќинка и да се грижам за сопругот“, објаснува таа.
Нејзиниот ден е исполнет со грижа околу куќата, вежбање и готвење, но и грижа за личниот изглед.
„Џон сака по дома да се облекувам убаво, секси спортски, но не сака да се шминкам. Некои жени можеби не сакаат некој друг да им кажува што да прават или што да облечат, но јас сакам кога ми дава инструкции. Кога ќе ги извршам, тоа го прави среќен, а мене уште посреќна“, вели Моника.
Кога станува збор за спалната соба, нејзиниот сопруг е многу доминантен.
„Ми се допаѓа кога човек ќе ја преземе одговорноста и ќе го направи тоа што го сака. Секогаш сум на располагање за потребите на сопругот и тоа го сакам“.
Моника заработува објавувајќи фотографии на OnlyFans, Таа и Џон засега немаат деца, но Моника вели дека кога ќе имаат ќе бидат воспитани во строго традиционален дух.
„Ако имаме ќерка ќе ја научам сè што знам за тоа како да биде добра сопруга, а мојот сопруг истото ќе го направи со нашиот син“, вели таа.