Италијанецот потврди дека Мохамед Салах му кажал нешто навистина значајно додека нивните екипи шутираа пенали на финалето од англискиот Лига куп, а откри и што.
Ливерпул го победи Челси по драматично и бескрајно изведување на пенали кое на крјаот заврши откако голманот на „Сините“ дојде на ред да шутира и промаши.
Кога Мохамед Салах го реализираше својот пенал, враќајќи се кон центарот се размина со Жоржињо, кој пак одеше да го изведе својот. Камерите го фатија Египќанецот како му дофрла нешто на Италијанецот, а сите ги заитригира што било тоа.
На својот Instagram профил Жоржињо објави стори на кое ја сподели објавата на Sky Sport Italia, медиум кој ги погоди зборовите кажани од Салах.
„Немој да скокаш“, е она што Салах му го рекол на Жоржињо, алудирајќи на специфичниот начин на кој Италијанецот ги изведува пеналите, со потскокнување.
