Одговор на прашањето што сигурно сте си го поставиле барем еднаш - зошто антибиотикот не делува?
Британските научници од Универзитетот во Кембриџ забележале грешки кои ја намалуваат ефикасноста на антибиотиците. Се испостави дека ако има неколку видови бактерии или други патогени во телото, ќе биде многу потешко да се излечат.
И тоа го потврдија со еден експеримент. Користејќи иновативна технологија, експертите една недела одгледувале мешавина од различни микроби. Ова било исклучително тешко да се изведе, бидејќи обично еден патоген го спречува развојот на друг и го убива. Истражувачите користеле таканаречени полимикробни инфекции, кои ги вклучувале Pseudomonas aeruginosa и Staphylococcus aureus, како и габичната инфекција Candida albicans, комбинација која најчесто се наоѓа во респираторниот тракт на луѓето со цистична фиброза.
Научниците потоа додале антибиотик кој е многу ефикасен за уништување на бактеријата Pseudomonas aeruginosa. Но, кога заедно со оваа бактерија биле присутни и други патогени, антибиотикот не делувал. Истиот ефект бил забележан и кога примероците биле третирани со фузидна киселина (антибиотик за третман на Staphylococcus aureus) и флуконазол (антибиотик кој има за цел да ја убие габата Candida albicans).
Како резултат на тоа, се покажало дека се потребни многу повеќе антибиотици за ефикасно уништување на бактериите во полимикробна инфекција. Ова сознание треба да биде од голема помош при тестирањето на ефикасноста на новите лекови против мешавина од разни инфекции и микроби.