Британска старт-ап компанија креираше џебен дрон кој што се управува со виртуелен џојстик преку апликација за смартфон кога сакате да направите фотографија и видео - идеално за љубителите на „селфи“ фотографиите.
AirSelfie е опремен со камера од 5 мегапиксели и може да снима HD видеа, а со него доаѓа и SD мемориска картичка од 4 гигабајти.
Дронот е тежок 52 грама и може да лета до висина од 20 метри, максимум до 3 минути.
Доаѓа со футрола со која се надоврзува на вашиот смартфон и компатибилен е со iPhone 6, 7 и 7 Plus, Samsung Galaxy S7, Edge, Huawei P9 и Google Pixel.
По снимање или фотографирање, дронот безбедно следува во раката на управувачот а снимениот материјал со помош на WiFi лесно може да се пренесе на телефон или да се сподели на социјалните мрежи.
Џебниот дрон е достапен преку Kickstarter кампања за групно финансирање, каде веќе собра околу 120.000 евра иако целта беше 45.000.
AirSelfie, за кој се верува дека ќе ги замени селфи стиковите, ќе биде достапен за купување во март следната година, кога ќе се продава по цена од околу 150 евра.
