Ретко кој го има слушнато претседателот на Демократската унија за интеграција, Али Ахмети, како зборува на македонски јазик. Денес таа чест ја имаат сите.
Имено, лидерот на ДУИ упати видео-порака по повид денешниот празник - Денот на сесловенските просветители, во која говори на македонски јазик.
„Во духот на мултиетничкото општество во кое заедно живееме, да се потсетиме на овој важен ден дека заеднички ја преземаме обврската да ја зачуваме, негуваме и унапредиме меѓународната артикулација на македонски јазик на ист начин како што тоа го правиме и за посебноста на македонскиот идентитет“, вели, меѓудругото, Ахмети.
Видеото го објави порталот 360 степени.
