САД градат нова амбасада во Лондон што ќе биде најскапата во светот досега. Наместо со високи ѕидови, зградата вредна 1 милијарда долари ќе биде опкружена со канали и со вода.
Амбасадата се гради во областа Најн Елмс, а рокот за привршување на градежните работи веќе е пробиен. Првично, амбасадата требаше да биде завршена до крајот на 2016 година, а потоа до пролетва, но се покажа дека ќе им треба многу повеќе време.
Проектот беше најавен во 2008 година, бидејќи, како што рече амбасадорот, сегашната зграда е премногу мала и дотраена.
Внатрешноста на зградата ќе биде заштитена од бомбашки напади, ќе има препреки за автомобили и бројни други безбедносни мерки кои дизајнерот на зградата Киран Тимберлејк не сакаше да ги открива од сигурносни причини.
Тој се одлучил за природни препреки наместо високи ѕидови за да се вклопи зградата во урбаниот амбиент.
Зградата е самоодржлива и ако снема струја во Лондон, може да функционира неповрзана со мрежата подолг период. Содржи и соларни панели за претворање на сончевата енергија во струја.
Се очекува зградата да биде отворена за употреба до крајот на годинава.