Неименувани извори за американскиот таблоид Page Six тврдат дека љубовницата на Владимир Путин, Алина Кабаева и нивните четири деца се кријат во Швајцарија.
„Додека Путин го спроведува нападот врз Украина, напаѓа невини луѓе и предизвика бегалска криза, неговото семејство е скриено на безбедно место во дворец некаде во Швајцарија“, вели изворот.
Кабаева е 38-годишна поранешна гиманстичарка со олимписко злато, а според шпекулациите, има 4 деца со Путин. Иако за нивната врска се пишува од разводот на Путин, тие двајца никогаш не проговориле за односот меѓу себе, пишува Mirror.
Изворите тврдат дека имаат 7-годишни близначки родени во Луган, Швајцарија во февруари, 2015 година. Се зборува дека имаат и два сина.
„Алина има два малечки сина и близначки со Путин. Сите деца имаат швајцарски пасоши, а претпоставувам дека има и тој“, тврди изворот зa Page Six.
Путин никогаш не дозволил прашања за неговиот приватен живот.
„Не дозволувам мешање во мојот приватен живот. Мора да се почитува. Секогаш негативно сум реагирал кон оние кои ги туркаат нивните љубопитни носови и еротски фантазии во туѓи животи“, има изјавено во една прилика.
За Путин е познато дека има две ќерки, Марија (36) и Катерина (35) кои ги доби во бракот со Људмила. И за нив ретко зборува, па не е чудно што има толку шпекулации за тоа колку деца има всушност. Во брак беше 30 години, а со Људмила се разведе јавно пред камери во 2013 година. Оттогаш медиумите почнаа да пишуваат дека се развел поради Алина, тогаш успешна гимнастичарка која освои две олимписки медали и бројни награди.
Алина ретко се појавува во јавност, а неодамна се огласи за руската инвазија на Украина. Таа изјави дека односот на меѓународните спортски организации кон Русија е најсрамотен чин во историјата на светскиот спорт.
Кабаева се огласи по повод исклучувањето на руските спортисти од најголемите спортски натпреварувања и беше критични настроена кон таквиот однос кон Русија.
„Не се грижеа и не исфрлија од натпреварување ниту една држава која учествувала во уништувањето на стотина илјади цивили во Југославија, Ирак, Либија, Сирија. Но, се налутија кога Русија одлучи да ги заштити Донабс и Луганск од нацисти“, вели Кабаева за Sport-Express.
Таа поради допинг остана без пет златни медали од Светското првенство во 2011 година.