Хакери од Anonymous објавија дека хакирале руските сервиси за стриминг, како и телевизиски канали и преку нив објавуваат содржини од Украина, пренесе Guardian.
Хакерите емитуваат снимки од руските воени дејствија во Украина и упатуваат повици до рускиот народ да се спротивстави на Владимир Путин.
Anonymous на Twitter објавина за упад во програмите на „Русија 24“, „Канал 1“ и „Москва 24“, како и на стриминг-сервисите „Винк“ и „Иви“.
Во друга објава групата соопшти дека спровела „најголема операција што некогаш е видена“, притоа негодувајќи што одредени влади тоа можат да го квалификуваат како закана и на тој начин активностите да бидат дискредитирани.
„Сетете се на нас кога ќе го свртиме вниманието на најразлични сили, бидејќи тоа ќе се случи. Ние можеме да го смениме светот кон подобро. Тоа отсекогаш било нашата цел“, објавија хакерите.
