Францускиот фудбалски ас Тјери Анри е загрижен за напаѓачот на ПСЖ, Нејмар.
Анри изјави дека Нејмар очигледно бара помош и дека е загрижен за неговата психичка состојба, која не била сфатена сериозно. Бразилецот веќе некое време е далеку од својата најдобра форма, а Французинот смета дека менталната страна е главен фактор.
„Кога ќе ја анализирате акцијата и ќе видите дека не се позиционира на вистински начин, тоа е факт и треба да го препознаете. Да, не е добар во последно време, но има причини. Нејмар често зборуваше во последните интервјуа за неговото ментално здравје и притисокот, а јас се прашувам дали е добро. Не е дека веќе не дрибла, туку фактот што не ги победува противниците со свое темпо Тој зборува, но дали го слушате? Бара помош, некои работи се случуваат во неговата глава како и кај секое друго човечко суштество“, рече Анри.
Во едно неодамнешно интервју, Нејмар навистина зборуваше за притисокот под кој е постојано.
„Мислам дека Светското првенство во 2022 година ќе биде последно во мојата кариера. Така гледам на тоа затоа што не знам дали ќе бидам доволно ментално силен за да се носам со фудбалот“, изјави Нејмар.
