Пратеникот Димитар Апасиев на денешната седница во Собранието се појави носејќи маичка со ликот на Џулијан Асанж и изрази поддршка против неговата екстрадиција во САД.
Асанж, кој стана познат во 2010 кога објави низа тајни американски документи под името WikiLeaks, чека екстрадикција во Соединетите Американски Држави каде го чека казна затвор поради оддавање тајни документи.
Иако долго време им оддолеваше на напорите на САД за екстрадикција, прво од Еквадор во чија амбасада беше сместен, а потоа и од Обединетото Кралтсво, на 10 декември 2021 година британскиот суд пресуди дека треба да биде екстрадиран во САД, а потоа минатиов месец ја одби жалбата на Асанж.
„#FreeAssange од македонското Собрание. No U.S. extradition!“, напиша лидерот на Левица на социјалните мрежи.
Апасиев и претходно имал слично однесување во македонското Собрание. Еднаш дојде со марама палестинка оддавајќи поддршка на палестинскиот народ поради бомбардирањето на Појасот Газа од страна на Израел.
