Астрономите ја открија првата месечина надвор од нашиот сончев систем, која има големина и маса како Нептун, а кружи околу планета која има димензии слични како Јупитер, но со 10 пати поголема маса.
Откритието е вистинско изненадување, не поради тоа што докажува дека месечини постојат каде било, туку поради фактот дека само е прашање на време кога ќе се пронајде уште една во ѕвездениот систем.
Научниците беа изненадени од изгледот на егзомесечината, која доста се разликува од нашата.
„Огромна е и чудна, доколку ја споредиме со нашиот природен сателит“, вели професорот по астрономија Дејвид Кипинг.
Новооткриената егзомесечина, како и егзопланета која кружи околу неа, се проценува дека е неколку пати поголема од нашата најголема планета од соларниот систем - Јупитер.
И егзомесечината и егзопланетата се наоѓаат на оддалеченост од 8.000 светлосни години од Земјата.
Егзомесечината е поголема од нашата Месечина, со просечна величина и маса на Нептун, нашата најмала гасна планета.
Егзомесечината орбитира околу 3 милиони километри околу својата планета.
Кога станува збор за егзопланети, научниците досега открија 3.000.
