Асоцијацијата на професионални тенисери ја замрзна АТП листата поради пандемијата со COVID-19 откако беа откажани бројни тениски турнири.
Ова е логичен потег, со оглед на тоа дека сите турнири се откажани до средината на јули, објави француски L'Equipe.
Одлуката на АТП ќе влијае на српскиот тенисер Новак Ѓоковиќ кој иако го задржува првото место, нема да може да се натпреварува во историската борба за рекордот во најмногу недели поминати на врвот на листата најдобри тенисери во светот.
Ѓоковиќ 282 недели е играч број 1, но е трет тенисер во историјата, зад Швајцарецот Роџер Федерер, кој 310 недели беше лидер на АТП, и Американецот Пит Сампрас со 286 недели.
АТП последен пат објави листа на 16 март и моментално со Женската тениска асоцијација (WTA) се договара за продолжување на сезоната и почеток на турнирите.
