Откако режимот на Александар Лукашенко, претседателот на Белорусија, неодамна принуди патнички авион да слета во Минск за да може тамошната полиција да уапси млад опозиционер, повеќето авиокомпании оттогаш го заобиколуваат небото над Белорусија.
Меѓу првите авиокомпании што ја донесоа таа одлука беше Air France, но и нејзината подружница Air France KLM од Холандија. Истото го стори и финската авиокомпанија Finnair, како и Lufthansa, скандинавски SAS и така натаму.
Полската национална авиокомпанија Lot соопшти дека ги прекинала прелетувањата и летовите од и кон Минск, а украинскиот министер за надворешни работи Дмитро Кулеба изјави дека на украинските превозници им е забрането летање над Белорусија.
А како изгледа небото, односно воздушниот простор над Белорусија во овој момент, најдобро покажува овој приказ на прелетувања на авиони низ цела Европа. Воздушниот простор над Белорусија не е пожелен и очигледно е дека го користат само неколку авиокомпании.
За потсетување, западните земји ја обвинуваат Белорусија за киднапирање на авион на Ryanair, во кој во неделата беше новинарот Роман Проташевич. Летот од Грција до Литванија бил пренасочен поради наводна закана со бомба. Сепак, заканата беше лажна, а Проташевич беше уапсен по слетувањето во Минск, по што авионот го продолжи летот. Белоруските власти во понеделникот објавија видео од Проташевич, кое се чини дека е снимено под присила. Белорусија е единствената европска земја што сè уште погубува затвореници.
