Проблеми со конекцијата предизвикани од музички фестивал оставија десет автономни автомобили на компанијата Cruise заглавени на улиците на Сан Франциско.
Минатиов викенд компанијата Cruise имаше големи проблеми со своите автономни возила кои предизвикаа метеж на улиците на Сан Франциско. Станува збор за десетина возила на Cruise кои го блокираа сообраќајот во период од 15 минути, а на интернет брзо се проширија фотографии и видеа. Возилата се движеа нормално с додека серијата дефекти не резултираше со блокирање на сообраќајот околу улицата „Ваљехо“, како и улиците „Грент“ и „Колумбус“.
Да бидат работите уште полоши, инцидентот се случи еден ден откако комисијата во Калифорнија му дозволи на Cruise да работи во Сан Франциско и делови од округот Сан Матео 24 часа на ден.
За среќа, немаше поголеми проблеми или повредени, а Cruise тврди дека проблеми со конекцијата се причина за инцидентот и гужвата, а тие се предизвикани од музички фестивал. Сепак, Одборот на супервизори во Сан Франциско смета дека метежот бил „опасен“ и дека овие возила не се подготвени за во шпицот. Исто така, претседателот на Управниот одбор смета дека е „страшно“ што на возилата им е потребен мобилна услуга за да излезат од сообраќајот и праша што ќе се случи за време на природна катастрофа.
„Голем фестивал постави ограничувања на безжичниот опсег што предизвикува одложено поврзување со нашите возила. Активно истражуваме и работиме на решенија за да спречиме ова да се повтори. Им се извинуваме на погодените“, објави Cruise.
Градот го повика гувернерот да го засили надзорот врз автономните возила бидејќи државата одобрила нивна проширена употреба во градот.