Баерн не се откажува од идејата да го доведе Хари Кејн од Тотенхем.
Откако лондонскиот клуб одби околу 93 милиони евра, што беше втора понуда, Баерн подготви и трета.
Понудата е рекордно висока за германскиот клуб и изнесува 100 милиони евра, пишува Daily Mail.
Најскапото купување на Баерн на сите времиња е Лукас Ернандес, донесен во 2019 година од Атлетико Мадрид за 80 милиони евра.
Тие се подготвени да издвојат многу повеќе за играч кој неодамна го прослави својот 30-ти роденден и е под договор само уште една сезона.
Daily Mail наведува дека можно е Тотенхем да ја прифати понудата.
Текстот е напишан по состанокот на кој од Минхен пристигнале претставниците на германскиот шампион Јан-Кристијан Дрезен и Марко Непе за да се договорат со првиот човек на Спарс Даниел Леви.
Кејн постигна рекордни 280 голови на 435 натпревари за Тотенхем. Тој е и рекордер на репрезентацијата на Англија со 58 гола на 84 натпревари.
Се очекува Баерн доколку се договори за трансфер со Тотенхем, на Кејн да му понуди четиригодишен договор.
И покрај одличната голгетерска кариера, Кејн досега нема освоено ниту еден тимски трофеј.
