Старо-новиот стратег на Џеноа не се согласува со најавата на Горан Пандев за пензионирање по ЕУРО 2020.
На 31 декември во новогодишното мега-интервју за веб-страницата MacedonianFootball.com Пандев најави дека оваа сезона дефинитивно му е последна.
„Ова е последна година за мене како професионален фудбалер. Зборував со сопругата Надица и одлучивме да се пензионирам по Европското првенство. Желба ми е тоа да се случи пред полн стадион во Скопје“, рече Пандев алидирајчи на тоа дека последниот натпревар сака да му биде за Македонија на 11 октомври против моќната Германија во Скопје.
Делови од тоа интервју завршија во италијанските медиуми, а најмногу одекна веста за дефинитивната пензија на Пандев, вест со кој не се согласува Давиде Балардини.
„Ако е вистина дека ќе се пензионира, ќе го предомислам. Не може да го направи тоа, некој што на секој тренинг доаѓа со ентузијазам, некој што има оган на и надвор од теренот. Има уште фудбал во Пандев. Допрва треба да дохде моментот кога ќе престане: да го гледам како игра е вистинско уживање“, рече тој за La Gazzetta dello Sport.
Но, Балардини прво ќе треба да преживее на клупата ан Џеноа, клуб кој е познта по тао што чести менува тренери. И самиот Балардини е свесен за тоа бидејќи ова му е четврти пат како седнува на истата клупа.
Пандев имаше во план да се пензионира минатото лето, но одложувањето на ЕУРО 2020 направи и тој да го одложи пензионирањето.
