Со убедливи 4:0 Баерселона го совлада баскиски Атлетик и го освои Копа дел Реј, прв трофеј во ерата на Роналд Куман.
Улогата на фаворит Каталонците синоќа ја опрадваа на празниот „Ла Картуха“ стадион во Севиља. Мрежите мируваа во првиот дел, а првиот гол дојде точно по еден час игра кога Антоан Гризман ја најави победата.
Набрзо, само три минути подоцна, Френки де Јонг го дуплираше водството на Барселона. За да биде комплетна фуриозната игра спакувана во 12 минути се погрижи Лео Меси со своите два гола во 68. и 72. минута поставувајќи ги конечните 4:0.
Ова е прва титула за каталонскиот клуб под водство на холандскиот стратег Роналд Куман, кој летоска го замени Кике Сетјен.
Барса го освои својот 31 куп трофеј од 42 финалиња, апсолутен рекорд. Атлетик остана на 23 трофеи, што сепак го прави втор најтрофеен, додека трет е Рела Мадрид со 19. За тимот од Билбао ова беше вкупно 39-то фнале.
Куман сезонава се бори уште на еден фронт и тоа во Ла Лига каде на 8 кола до крајот е трет со 2 бода зад лидерот Атлетико. Во Лигата на шампионите отпадна уште во осминафиналето.
