Барселона потроши 5.000.000 евра за фудбалер на хрватскиот второлигаш Кустошија. Станува збор за 18-годишниот Сенегалец Микајил Нгор Фаје (18).
Сенегалскиот централен дефанзивец беше поврзуван со Борусија Дортмунд и Челси, но ја одбра Барселона.
Барса го гледа Фаје како врвен талент, кој за неколку сезони би можел да конкурура за место во првиот тим.
Фаје наскоро ќе потпише договор со шпанскиот шампион, а овој договор ќе бидат вметнати и неколку клаузули кои на вторлигашот од Загреп можат да му донесат и дополнителни приходи.
Фаје во Кустошија пристигна на 2 февруари годинава од сенегалски Диамбарс, а во оваа полусезона забележа гол и асистенција на 14 настапи за 1.140 минути игра.
Може да игра на позициите лев бек и стопер. Има 10 настапи за У17 репрезентацијата на Сенегал.
