Барселона го комплетираше трансферот на Ињиго Мартинес (31) од Атлетик Билбао.
Искусниот стопер ги помина лекарските прегледи и по истекот на договорот ќе му се приклучи на новиот шпански шампион.
Тој треба да го потпише договорот на крајот од оваа сезона, додава Фабрицио Романо.
Мартинес ќе потпише двегодишен договор со Каталонците.
Во својата кариера настапуваше за Реал Сосиедад Б, Реал Сосиедад и Атлетик Билбао каде е од 2018 година.
Тој во Билбао пристигна од Сосиедад за 32 милиони евра, а за шпанската репрезентација има 20 настапи и еден гол.
За Атлетик оваа сезона настапи 18 пати и постигна еден гол за 1.639 минути игра.
