Претседателот на каталонскиот гигант Барселона, Жоан Лапорта, рече денеска дека неговиот клуб „никогаш не поткупил судија“.
Неговата реакција доаѓа откако во јавноста беше изнесен сомнеж дека Барселона во минатото уплатила одредена сума пари на сметката на поранешниот судиски менаџер Хосе Мариа Енрикес Негрејра.
„Нека биде јасно дека Барселона никогаш не поткупила судија, ниту планира да поткупува судии. Апсолутно никогаш“, изјави Лапорта.
Шпанскиот весник El Mundo објави на 17 февруари дека Барселона во периодот од 2001 до 2018 година уплатила повеќе од 6 милиони евра на сметка на компанијата DASNIL 95 во сопственост на Негрејра, кој од 1994 до 2018 беше претседател на Комитетот на технички судии.
Парите, наводно, биле исплатени за советодавни услуги.
