Каталонскиот тим му даде дури 37 голови на францускиот шампион и се избори за место во големото финале.
Со 37:32 Барселона го победи ПСЖ и дојде до големото финале на фајнлфор турнирот кој се игра во Келн, Германија. Ова е завршница на прекинатата сезона 2019/20 која ќе го добие својот крај на два дена пред Нова година.
Барселона беше незапирлива во нападите. Најмногу голови за Каталонците постигна Дика Мем, 8, 6 заби Арон Палмарсон, додека по 5 голови постигнаа Лудовик Фабрегас и Блаж Јанц. Најефикасен на натпреварот со 9 погодоци беше Дилан Нахи од редовите на парижаните каде се истакна и Микел Хансен со 7.
Вечерашниот дуел на Кил и Веспрем ќе го даде вториот финалист. Големото финале е закажано за утре од 20:30 часот.
