Кошаркарскиот клуб Басконија ќе го подигне дресот на Луис Скола под сводовите на „Буеса Арена“ пред натпреварот од шестото коло на Евролигата со Партизан, кој ќе се одигра в петок.
Скола беше кошаркар и капитен на баскискиот клуб кога го носеше името Тау Серамика.
Крилниот центар го носеше дресот на шпанскиот клуб од 2000 до 2007 година и за него одигра 447 натпревари (303 во шпанското првенство и 144 во Евролигата).
Само тројца кошаркари забележале повеќе настапи за Басконија во клупската историја.
Овој клуб на ниту еден играч не му ја направи честа да го повлече „неговиот“ број, но веќе три дреса се наоѓаат под сводовите на арената.
Во прашање се петката на Пабло Приџони, дресот со број 8 што го носеше Игор Ракочевиќ и деветката на Серхио Видал.
Приџони ја имаше таа чест во 2017 година, додека Србинот и Шпанецот чекаа до 2020 година.
Со тогашниот Тау Серамика, Скола го освои шпанското првенство во 2002 година, 3 Копа дел Реј, во 2002, 2004 и 2006 година, како и 3 Суперкупа. Скола беше незаменлив дел од тимот кој учествуваше на фајналфорот на Евролигата во 2005, 2006 и 2007 година.
Басконија со учинок 1-4 ја отвори сезоната во Евролигата, поради што неодамна беше сменет претходниот тренер Џоан Пенароја, па беше ангажиран Душко Ивановиќ.
