Дејвид Бекам и неговото семејство се најдоа среде неочекуван проблем откако се појави непозната жена која тврди дека е биолошка мајка на неговата ќерка Харпер Севен.
Бекам се чувствува „загрозено“ и „уплашено за безбедноста на неговото семејство“ бидејќи жената повеќе пати се појавила во училиштето каде оди Харпер и се обидела да разговара со девојчето. Дури и испратила неколку писма до поранешниот фудбалер, пишува BBC.
Педесет и осумгодишната Шерон Бел се обидела да провали во домовите на семејството Бекам во Лондон и во Оксфоршир на 9 јули, односно на 9 септември 2021 година, во „заблуда“ дека има некаква врска со нив.
На судското сослушување Бел се изјаснила дека не е винова за вонземирување и судењето е закажано за јули.
„Бел е во заблуда дека била во врска со Дејвид Бекам, дека тој украл нејзини јајце клетки и дека Харпер Бекам е нејзино законско дете. Затоа веруваме дека се појавила во училиштето на Харпер на 18 ноември 2021 година“, соопшти обвинителката Аризуна Асанте.
„Дејвид Бекам се чувствува уплашено за безбедноста на неговото семејство и верува дека ова однесување е застрашувачко. Вели дека не ја познава обвинетата и дека таа не е мајка на неговите деца“, додаде таа.
Иако Бел не е способна за судење, нејзината адвокатка Лиса Вилсон упати барање на судењето да бидат присутни и членови од семејството Бекам, во улога на сведоци.
