Познатиот германски весник денеска излезе со информација дека сенегалскиот голгетер ќе го напушти Минхен по само една сезона мината на „Алианц Арена“.
Bild тврди дека Садио Мане и Баерн се договориле за спогодбен раскин на договорот, со тоа што сѐ ќе биде потврдено откако ќе заврши сезоната во Бундеслигата.
Мане во баварскиот гигант пристигна како големо засилување од Ливерпул во трансфер вреден 35 милиони евра, но не ги оправда очекувањата.
Овој 31-годишен Селегалец имаше и незгодна повреда поради која го пропушти и Мундијалот во Катар, а по враќањето на теренот направи неколку скандали.
Прво се скара со тренерот Јулиан Нагелсман, кој сега веќе не го води тимот, а потоа по натпревар од Лигата на шампионите физички го нападна Лиорој Сане.
Мане сезонава за Баерн одигра 35 натпревари, постигна 12 голови и запиша 5 асистенции. Како негова наредна дестинација се споменуваат Ливерпул, Челси и ПСЖ.