Бразилскиот судија Игор Беневенуто е првиот реномиран судија кој јавно прозборе за својата сексуална ориентација.
Овој 41-годипшен делител на првдата е со знакот на ФИФА, односно значи дека може да суди на меѓународни натпревари, клупски и репрезентативни. Тој за време на гостувањето во подкастот „Nos Armários dos Vestiários“ на Globo Esporte ѝ откри на јавноста дека е геј, изјавувајќи дека е среќен што конечно може да биде она што навистина е.
„Фудбалот е спорт кој длабоко го мразев додека растеав. Не можев да ја поднесам околината, мачизмот и предрасудите маскирани како шега. За да преживеам во кругот на деца кои живееја на терен играјќи топка, создадов лик, една извајана верзија од себе. Фудбалот беше 'машка' работа, а јас уште од мали нозе знаев дека сум геј. Не постоеше посовршено место за криење на мојата сексуалност. Но, играњето не беше трајна опција, па затоа тргнав на единствениот можен пат: станав судија“, раскажа Игор.
Игор Жуниу Беневенуто џи Оливејра е судија со знакот на ФИФА од 2021 година и тоа како помошник во ВАР собата.
„Нас, геј во фудбалот, нѐ има многу. Насекаде сме. Но, 99,99% се кријат. Има судии, играчи, тренери, оженети, со деца, разведени, со двоен живот... Има секакви. Се препознаваме. Се шегувам дека постојано имаме вклучен Wi-Fi и дека се поврзуваме со друг и без да сакаме. Ние постоиме и го заслужуваме правото да зборуваме за тоа, да живееме нормално“, додаде.
Излегувањето во јавност го поздрави и ФИФА: „Го поздравуваме и го поддржуваме судијата Игор Беневенуто и нековата одлука да излезе јавно. Како пшто сме потенцирале и во други случаи, ФИФА цвртсто верува дека фудбалот е за секого. А стремежот на Игор да биде она што што навистина е е важен момент за фудбалот во Бразил и во другите држави ширум светот. Се надеваме дека неговата одлука ќе охрабри и инспирира поширока разноликост и прифаќање во оваа убава игра“.