Министерот за вакцинација на Обединетото Кралство негира дека британската Влада има во план воведување на пасош за вакцинирани од COVID-19.
Прашан синоќа од Sky News, Надим Захауи ги отфрли шпекулаците дека во Обединетото Кралство се подготвува воведување на таканаречен ковид-вакцинарен пасош со кој лицата кои ќе ја примат вакцината ќе уживаат во старото нормално за разлика од оние невакцинираните за кое и натаму ќе постојат рестриктивни мерки.
Тој објасни дека лицата кои ќе ја примат првата доза од вакцината ќе добијат картичка од Министерството за здравство со нивното име на неа, датумот на примањето на првата доза и датумот кога треба да ја примат втората и дека тоа е сѐ што Владата моментално го има на ум.
„Верувам дека она што треба да се направи е да се осигураме дека луѓето кои ќе дојдат да се вакцинирата ќе то направат тоа затоа што сакаат, а не дека на некој начи тоа им е наложено со некаков пасош“, рече Захауи.
Периодов на социјалните мрежи Британците буквално полудеа откако се рашири веста дека Владата ќе воведува ковид-пасош. Дури и се отпочна онлајн петиција со која се бара Владата да се откаже од намерата за воведување на такво нешто, а досега над 67 илјади граѓани се имаат потпишано.
„Не планираме да воведеме таков пасош во Обединетото Кралство. Сакам да го повторам ова бидејќи на социјалните мрежи ми дојде преку глава. Дефинитивно немаме намера да воведеме такво нешто во програмата за вакцинација“, јасно стави дознаење министерот.
